Петропавлда 100-ге жуық адам ағаштарды әктеумен айналысады
Сәуір айының соңында “Коммунхоз-Петропавл” ЖШС мамандары ағаштарды әктеуге кірісті. Бұл жұмысқа облыс орталығында 7 бригада тартылған. Әрқайсысында шамамен 14 адам жұмыс істейді, деп хабарлайды QZ Мedia тілшісі.
“30-40 килограмм әк кетеді. Әрине, бұл көлем көшеге, ағаш санына байланысты. Біз Сүтішев, Назарбаев, Жамбыл, Жұмабаев көшелеріндегі ағаштарды әктедік. Жақында Пушкин көшесіне көштік”,-деді “Коммунхоз-Петропавл” ЖШС бригадирі Ирина Хабарова.
Мамыр айында “Коммунхоз-Петропавл” ЖШС мамандары Петропавл гүлзарларына гүл отырғыза бастайды. Мұндай жұмыс Қазақстан Конституциясы көшесінде де жүргізіледі. Тұрғындар демалатын басты көшеге шырайгүл, барқытшөп және басқа да бір жылдық гүлдер отырғызылады.