Ғауез Нұрмұхамбетов православ сеніміндегі христиандарды Пасха мерекесімен құттықтады
May 5, 2024 10:17
СҚО әкімі Ғауез Нұрмұхамбетов облыстың барлық православ сеніміндегі христиандарын Пасха мерекесімен құттықтады, деп хабарлайды QZ Мedia тілшісі.
Өңір басшысы атап өткендей, мереке ең басты рухани құндылықтарды – жанашырлықты, мейірімділікті және жақынына деген сүйіспеншілікті білдіреді.
“Бұл мереке сіздердің үйлеріңізге қуаныш, бақыт және жақсы өзгерістер әкелсін! Тек жақсылыққа сену арқылы ғана біз өмірдің барлық қиындықтарын жеңе аламыз. Жерлестеріме осы қиын-қыстау кезеңдегі бірлік, табандылық, өзара көмек пен мейірімділік үшін алғыс айтамын”, – деп жазды өңір басшысы Ғауез Нұрмұхамбетов әлеуметтік желілердегі парақшасында.