Петропавлдың су басқан шағын аудандарында дезинсекция жұмысы жүргізілуде
Облыс орталығының аумағында “Строй монолит” ЖШС қан соратын жәндіктерге қарсы дезинсекция жұмысын жүргізеді. Жұмыстар көше бойларында жүзеге асырылады, деп хабарлайды QZ Мedia тілшісі.
Сондай-ақ, жәндіктерге қарсы улау жұмысы саябақтарды, саяжолдарды, жаяу жүргіншілерге арналған жолдарды, жалпы аумақтарды қамтиды.
Жұмыстар аспалы бүріккіштерді, мотор бүріккіштерді, тұман бөлетін генераторларды пайдалана отырып жүргізіледі. Маңызды іске 16 маман жұмылдырылды. Жұмыстың аяқталу уақыты судың тартылу уақытымен байланысты. Су басқан аумақтар 100% жұмыстармен қамтылады деп жоспарлануда.