Петропавлдық белсенділер су тасқынынан зардап шеккен тұрғындармен кездесті
Петропавл қалалық жастар ресурстық орталығының мүшелері су тасқынынан зардап шеккен жандармен кездесіп, ақпараттық-түсіндіру жұмыстарын жүргізуді жалғастыруда, деп хабарлайды QZ Мedia тілшісі.
Белсенділер бұл жолы Қызмет көрсету саласы колледжінің жатақханасына барды. Олар қала тұрғындарына шаһардың топан судан зардап шеккен шағын аудандарында орналасқан қоғамдық штабтар туралы толық ақпараты бар жадынамалар таратты.
“Біз жаднама қағаздар дайындадық, мұнда бәрі жазылған. Қай ауданда қандай қоғамдық штаб бары көрсетілген. Телефон нөмірлерін, жауаптылардың аты-жөнін, штабтардың нақты мекен-жайын табуға болады. Адамдар осы нөмірлер арқылы жүгіне алады”, – деді Петропавл қалалық Жастар ресурстық орталығының басшысы Дамир Әбдин.