1,5 мыңға жуық ауыл баласы Петропавл қаласының көрікті жерлері мен ойын-сауық орталықтарын аралайды

Петропавлда облыс аудандарынан келетін оқушылар үшін “Қалада бір күн” жобасы жүзеге асырылуда. Аты айтып тұрғандай, балалар жазғы демалысты тиімді өткізу үшін облыс орталығына келеді, деп хабарлайды QZ Мedia тілшісі.

“Әр сәрсенбі және жұма күні аудандарда тұратын балалар бізге, біздің облыс орталығына келеді. Балалар көрнекті орындар мен ойын – сауық орталықтарына барады. Сонымен қатар, біз балалардың өтініші бойынша да Петропавл қаласының аумағындағы жерлерге барамыз”, – деді СҚО білім басқармасының бөлім басшысы Мафруза Науанова.

5 маусым күні Петропавлға Уәлиханов, Ақжар және Айыртау аудандарынан балалар келді. 2023 жылы жоба 800 оқушыны қамтыды, 2024 жылы ұл-қыздардың саны 1500 адамға дейін артады. 7 маусым күні облыс орталығына Аққайың және Есіл аудандарынан балалар келеді.