СҚО-ның бірқатар фермасын Аризона университетінің өкілдері аралайды

Қозыбаев атындағы ЖОО-ға Аризона университетінің делегациясы келді. Бүгінде тараптар арасында биотехнология, ақпараттық жүйелер және білім берудегі инклюзия бойынша бірлескен қос дипломды бағдарламалар жұмыс істейді, деп хабарлайды QZ Media тілшісі.

Университет өкілдері хабарлағандай, ынтымақтастық бағдарламалардың тізімін кеңейтуге және бірлескен ғылыми жұмысты бастауға мүмкіндік береді. Оның ішінде Халықаралық су ресурстары орталығы аясындағы зерттеулер бар. Осыған дейін оны құру туралы меморандумға қол қойылған болатын.

Әріптестердің қолданыстағы халықаралық және қос дипломды бағдарламалары туралы Басқарма Төрағасы-Ректордың м.а. Рената Апергенова хабарлады. Аризона университетінің химиялық инженерия және қоршаған ортаны қорғау кафедрасының меңгерушісі, Доктор Кимберли Л. Огден біздің университеттегі химиялық технологияның бағытына қызығушылық танытты. Кейін ол химия және ХТ кафедрасының өкілдерімен кездесіп, академиялық және зерттеу жұмыстарын талқылады.

АФ деканы Алтын Шаяхметова Аризона университетінде 9 ай бойы ғылыми тағылымдамадан өтті.

«Бұл ғылыми ғана емес, әкімшілік жұмыстың да ұмытылмас тәжірибесі болды. Алдағы уақытта өсімдік шаруашылығы, мал шаруашылығы, су ресурстары және ауыл шаруашылығы өнімдерін қайта өңдеу саласындағы ынтымақтастықты одан әрі жалғастыру бойынша үлкен жоспарларымыз бар»,- деді Алтын Шаяхметова.

Кейін Агротехнология факультетінің студенттері мен ПОҚ Аризонаның құрғақ жерлерді дамыту бастамасы мал шаруашылығы орталығының директоры, доктор Дуэйн Майкл Вульфпен кездесті. Баяндамашы ірі қара малдың ет өнімділігі, генетиканың, азықтандырудың және басқа да факторлардың ет сапасына әсері туралы өз зерттеулеріне тоқталды.

Сондай-ақ, қонақтар, АФ студенттері үшін тәжірибе мен дуальді оқыту базасы болып табылатын, түлектер жұмыс істейтін және бірлескен ғылыми зерттеулер жүргізетін облыстағы бірқатар шаруа қожалықтарына барады.