Петропавлда ҚР Ұлттық ұлан Академиясынан жас офицерлердің 24-ші легі қанат қақты

Қазақстан Республикасы Ұлттық ұлан Академиясының түлектеріне салтанатты жағдайда әскери жоғары оқу орнын бітіргені туралы дипломдар табыс етіледі. Қазақстандық түлектермен бірге үкіметаралық шарттарға сәйкес білім алған Тәжікстан Республикасының он өкілі диплом алды, деп хабарлайды QZ Media тілшісі.

Академия биыл біздің республикамыздың және көрші мемлекеттің әскери бөлімдеріне 200-ге жуық офицер жібереді. Айта кетейік, әскери жоғары оқу орнын үздік бітірген төрт түлек Қазақстан Республикасының Президенті – Қарулы Күштердің Жоғарғы Бас қолбасшысы Қасым-Жомарт Тоқаевтің қолынан мерзімінен бұрын лейтенант погондарын алды. Олар лейтенанттар – Тимур Ағыбаев, Жалғас Төлегенұлы, Абылайхан Айтуаров, Диас Аблакимов.

Жас офицерлердің 24-ші шығарылымына Қазақстан Республикасының Ішкі істер министрі полиция генерал-лейтенанты Ержан Сапарбекұлы Саденов, Ішкі істер министрінің орынбасары – Ұлттық ұланның Бас қолбасшысы генерал-лейтенант Еркін Ботақанов, Солтүстік Қазақстан облысының әкімі Ғауез Нұрмұхамбетов және өңірдің жергілікті атқарушы органдарының бірінші басшылары қатысады.

Аймақ басшысы өз сөзінде су тасқынымен күресуге және оның зардаптарын жоюға белсене атсалысқан Академия курсанттарын ерекше атап өтті. Ғауез Нұрмұхамбетов жас офицерлерге Отанымыздың игілігі үшін адал қызмет етіп, алдағы әскери жолында мансаптық өсу тіледі.

Академия базасында сегіз мамандық бойынша офицерлерді даярлау жүзеге асырылады, оқыту он кафедрада жүргізіледі. Академияда жоғары оқу орнынан кейінгі және қосымша білім беру факультеті жұмыс істейді, онда жыл сайын Ұлттық ұлан мен басқа да күш-құрылымдарының ведомстволардың келісімшарты бойынша офицерлер мен әскери қызметшілер мамандықтары бойынша қайта даярлаудан өтеді. Жалпы, ҚР Ұлттық ұлан Академиясы құрылғалы бері 4 мыңнан астам офицерді қанат қақтырды.