“Clear-FEST” эко-фестиваліне 150-ге жуық адам қатысты

Петропавлда “Clear-FEST” спорттық-экологиялық фестивалі өтті, оның аясында Мещан орман аумағында қоқыс жинау бойынша спорттық жарыс ұйымдастырылды, деп хабарлайды QZ Мedia тілшісі.

Іс-шараның бастамашысы – волонтерлік ұйымдар және Облыстық жастар ресурстық орталығы. Бұл жолы 150-ге жуық адам қаланы таза етуге шықты – жастар, жұмысшы және студент жастар арасынан еріктілер, студенттер. Экологиялық фестиваль аясында бес адамнан тұратын командалар уақытқа қоқыс жинады. Осылай мықтыны анықтады, сондай-ақ қатысушылар командалардың шағын таныстырылымын дайындады.

“Біз адамдарды табиғатқа, бір-біріне ұқыпты қарауға шақырамыз. Экологиялық қағидаларды қалыптастыру маңызды. Эко-акцияға қатысушы жастар командаларға бөлініп, үздік жүлделерге ие болады. Олардың алдында мүмкіндігінше көп қоқыс жинау міндеті тұр”, – деді СҚО жастар ресурстық орталығының басшысы Анастасия Волкова.

Эко-фестиваль СҚО Ішкі саясат басқармасының қолдауымен ұйымдастырылды.

“Күміс еріктілер тобы бұл шарадан тыс қала алмады. Біз қаланың және оның айналасындағы аумақтардың таза және жақсы күтімді болғанын қалаймыз, сондықтан әркімнің үлесі маңызды. Петропавлдың игілігі үшін жұмыс істеп жүрген бірсыпыра жасты көру – өте қуанышты жайт”, – деді облыстық ардагерлер кеңесінің күміс еріктісі Нина Полещук.