СҚО-да аптаның басында жылы ауа-райы сақталады және жаңбыр жаумайды
“Қазгидромет” РМК СҚО бойынша филиалы мамандары алдағы үш жұмыс күніне болжам жасады, деп хабарлайды QZ Мedia тілшісі.
Ұсынылған дерекке сүйенсек, Петропавлда алғашқы аптаның басында жауын-шашынсыз ауыспалы бұлт болады, ауа температурасы +26+28 градусқа дейін көтеріледі.
Дәл осындай ауа-райы дүйсенбіден сәрсенбіге дейін бүкіл облыс аумағында сақталады. Болжамдық деректе жаңбыр мен екпінді жел жоқ. Кейбір жерлерде сынап бағанасы +30 градусқа дейін көтеріледі.