Солтүстікқазақстандық кәсіпкер 100 мың доллар пара алғаны үшін 11 жылын темір тордың ар жағында өткізуі мүмкін

Ағымдағы жылдың артта қалған кезеңінде Солтүстік Қазақстан облысында сыбайлас жемқорлық қылмыстары 2023 жылдың сәйкес кезеңімен салыстырғанда 9 пайызға өскен. Бұл мәліметпен облыстық прокуратура өкілдері бөлісті. Қылмыстық қудалау органдары тіркеген 36 қылмыстың 32-сі жедел түрде ашылды, деп хабарлайды QZ Media тілшісі.

Қылмыстық қудалау органдарында 54 іс өндірісте болған, оның 20-сы аяқталған, 20 іс сотқа жолданған, 8 іс оңалту белгілері бойынша тоқтатылған, ал 6 іс бойынша мерзімдер аяқталған. Мұнымен сандар аяқталмайды. Ағымдағы жылы сыбайлас жемқорлық қылмыстары бойынша 37 адам күдікті деп танылса, 14 адам айыпталушы ретінде сотқа жіберілген.

«Мысалы, квазимемлекеттік сектор субъектісі ретінде тіркелген, мемлекеттің 100 пайыздық үлесі бар ірі кәсіпорынның бұрынғы басшысы жауапқа тартылды. Ол 100 мың АҚШ доллары көлемінде пара алғаны үшін Петропавл қалалық сотының үкімімен 11 жылға бас бостандығынан айырылды. Сот үкімі заңды күшіне енген жоқ», – деді СҚО прокуратурасының аға прокуроры Марат Қазиев.

Сұхбат беруші тағы бір маңызды мысалға тоқталды.

«Тағы бір мысал, 2023 жылдың тамыз айында облыстық МКД қызметкері астаналық серіктестіктердің бірінің директорынан 10 мың теңге көлемінде пара алған. Қызметкер серіктестікті тексере келе өзінің бағыты бойынша бұзушылық көреді. Заң бойынша мұндай сәтте әкімшілік хаттама толтырылуы керек. Алайда, мәселе ақша арқылы шешілген», – деді СҚО прокуратурасының аға прокуроры Марат Қазиев.

Петропавл қалалық сотының үкімімен пара беруші мен алушы кінәлі деп танылды және оларға параның 15 еселенген мөлшерінен 60 еселенген мөлшерінде айыппұл салынды.