Петропавлдықтарды ұзаққа созылған құрылыс нысандары мен “Жас Өркен” ш/а электр энергиясының тұрақсыздығы алаңдатады

Тікелей эфир барысында Петропавл қаласының әкімі Серік Мұхамедиевке ұзаққа созылған құрылыс нысандары жайлы сұрақтар келіп түсті. Олардың ішінде бірнеше көпқабатты үй мен облыс орталығының шетінде салынып жатқан көпсалалы аурухана бар, деп хабарлайды QZ Мedia тілшісі.

“Аурухана салынып жатыр, жұмыс тоқтаған жоқ. “Океан” СҮ ауданында жаңа ғимараттардың да құрылысы жалғасуда. Н. Погодин атындағы театр жанындағы жаңа ғимаратта жылыту жұмыстары жүргізілуде, жұмыс алға жылжыды”, – деді Петропавл қаласының әкімі.

Петропавлдағы жаңа ғимараттардың көпшілігі “Жас Өркен” шағын ауданында орналасқан. Көпшілік жақсы білетіндей, қаланың осы бөлігінде электр қуатын беруде елеулі проблемалар бар. Жергілікті билік әрекет етуде. Маңызды түйткілді суық ауа райы басталғанға дейін жою жоспарланған.

“Бізде “Жас Өркенде” электр энергиясына қатысты өзекті проблема бар. Кабельдер өте көп жерден зақымданған. Біз резервтік кабельдерді қыс келгенге дейін қалпына келтіру үшін түгендеу жұмыстарын жүргіземіз. Іске қарқын қосылды. Әр үйде тұрақты және резервтік қосылу бар. 18-қабатты үйлерде резервтік кабельдер нашар күйде, бәрін жасаймыз”, – деді Серік Мұхамедиев.