Петропавлда заманауи дене шынықтыру-сауықтыру кешені ашылды

Петропавлдың «Береке» шағын ауданында алыстан көз тартар дене шынықтыру-сауықтыру кешені ашылды. Сәулетті нысан үлкен әмбебап залдан, бокс және күрес залдарынан, жаттығу жасау залынан, велобазадан тұрады, деп хабарлайды QZ News тілшісі.

“Жаңа спорт кешенінде екі заманауи күрес залы бар, онда біздің “Қызылжар Арландары” клубының балалары да, кәсіби спортшылар да шеберлік шыңдай алады. Біраз жылдан бері біздің клуб еліміздегі ең мықты клубтардың қатарына кіреді. Менің ойымша, жаңа дене шынықтыру-сауықтыру кешені біздің өңірде спортты дамытуға жақсы серпін береді”, – деді ұлттық және олимпиадалық спорт түрлері бойынша клубтың жетекшісі Алтынбек Аусағитов.

Дене шынықтыру-сауықтыру кешенінде бір уақытта 240-қа дейін адам жаттығады деп күтілуде. Жаңа кешенде спортшылар волейболмен, еркін, грек-рим және қазақ күресімен, сондай-ақ бокспен және велоспортпен шұғылданады.

“Менің атым – Сафина Нұрғожа, 2022 жылдан бастап “Қуаныш” клубында волейболмен айналысамын. Облыс құрамасында ойнап, қала мен облыс чемпионы атандым. Мен волейболды өте жақсы көремін және «Қуаныш» клубындағы біздің волейболшылар сияқты биіктерге жетуді және волейболдан Клубтық Азия чемпионатының чемпионы атануды армандаймын. Мен облыс әкіміне жаңа дене шынықтыру-сауықтыру кешенінің құрылысы үшін алғысымды білдіремін, мұнда біз жаттығып, спортта үлкен мақсаттарға қол жеткізе аламыз”, – деп атап өтті “Қуаныш” клубының волейболшысы Сафина Нұрғожа.