СҚО-да ауыл шаруашылығы басқармасына жаңа басшы тағайындалды

СҚО әкімінің өкімімен Дәурен Маратұлы Токужинов СҚО әкімдігі ауыл шаруашылығы және жер қатынастары басқармасының басшысы болып тағайындалды, деп хабарлайды QZ News тілшісі.

Ол 2021 жылдан бастап осы уақытқа дейін Мағжан Жұмабаев ауданы әкімінің орынбасары қызметін атқарды. Дәурен Токужинов 1987 жылы 18 тамызда Солтүстік Қазақстан облысы Тайынша ауданы Мироновка ауылында дүниеге келген.

2009 жылы Манаш Қозыбаев атындағы Солтүстік Қазақстан мемлекеттік университетін «Қаржы бакалавры» мамандығы бойынша, 2012 жылы А.Мырзахметов атындағы Көкшетау университетін «Заңгер» мамандығы бойынша бітірген.

2017 жылы Дәурен Токужинов СҚО кәсіпкерлік және туризм басқармасында жұмыс істеді. 2019 жылы Мамлют ауданы әкімінің орынбасары болды.