СҚО-да 90 ұстаз облыстық семинарға қатысты
Шал ақын ауданында «Біртұтас тәрбие» бағдарламасы аясында «Бірыңғай тәрбие: сапалы білім берудегі маңызды қадам» атты облыстық семинар өтті. Шара Социалистік Еңбек Ері Есім Шайкин атындағы мектеп-лицейінде және «Бөбек» бөбекжайында ұйымдастырылды, деп хабарлайды QZ News тілшісі.
Облыстық Әдістемелік орталық мамандары ұйымдастырған іс-шараға облыстық білім беру ұйымдары директорларының тәрбие ісі жөніндегі орынбасарлары, әдіскерлері мен тәрбиешілері қатысты. Семинардың мақсаты жеке тұлғаны қалыптастыруға және жеке тұлғаны дамытуға арналған сабақтардың мазмұны арқылы құндылықтарды біріктіру болды.
Шара соңында белсенді қатысушылар алғыс хаттармен марапатталды. Жалпы, облыстық семинарға 90 ұстаз қатысты.