Петропавлда Республика күніне орайластырылған жүгіру шарасы өтті
October 24, 2024 17:06
Петропавлда колледж студенттері арасында «Өмір қозғалысы» атты жаппай жүгіру шарасы өтті. Ол алдағы Республика күніне орайластырылды, деп хабарлайды QZ News тілшісі.
Тұңғыш Президент саябағында 80-ге жуық жігіт пен қыз өздерінің жүгіру қабілеттерін тексерді. Іс-шараны СҚО ІСБ қоғамдық даму және ақпарат орталығының мамандары ұйымдастырды.
“Біз осындай іс-шаралар арқылы жастар арасындағы спортты дәріптейміз. Сонымен қатар, бұл – кейінгі толқын үшін бейресми жағдайда сөйлесу, қуат алу мүмкіндігі. Біз үздік нәтижелерге қол жеткізген жігіттер мен қыздар үшін дипломдар дайындадық”, – деді СҚО ІСБ қоғамдық даму және ақпарат орталығының маманы Оксана Гончаренко.