СҚО әкім тарихи ғимаратты қалпына келтіру жұмыстарын тексерді

Облыс әкімі Ғауез Нұрмұхамбетов республикалық маңызы бар «Янгуразовтың үйі» тарихи-мәдени ғимаратында болып, қалпына келтіру жұмыстарын тексерді. Басты міндет-ескерткіштің тарихи келбетін сақтау, деп хабарлайды QZ News тілшісі.

«Жұмыстың әрбір кезеңінде зерттеулер мен мұрағаттық құжаттарға негізделген сәулеттік ескерткіштер ескерілді. Бұл нысанның бастапқы келбетін барынша дәлдікпен қайта жасауға мүмкіндік береді. Қасбеттің түпнұсқа жазулары мен түстері бұрынғы қалпында сақталған»,- деп жазды Ғауез Нұрмұхамбетов Telegram парақшасында.

Қайта жаңғыртудан кейін көне ғимарат мәдени орталыққа айналады. Янгуразовтың үйі екінші өмірге ие болады, ал тұрғындар мен туристер оның сұлулығы мен өткен күннің белгісін тамашалай алады.