Полицейлер петропавлдық 62 жастағы «кәсіпкерден» 213 литр алкоголь тәркіледі
СҚО ПД экстремизмге қарсы күрес басқармасының қызметкерлері алкогольді заңсыз сату фактісін анықтады, деп хабарлайды QZ News тілшісі.
Петропавлдағы сауда үйлерінің бірінде 62 жастағы қала тұрғыны келушілерге спиртұсынған. Полицейлер одан 5 литрлік бөтелке және жертөледегі жалға алынған қоймадан тағы 15 литр спирт тәркіледі. Ер адам заңсыз сатылған өнімнің басым бөлігін екі гаражда сақтаған. Ол жерден 213 литр алкоголь тәркіленді. Азамат тиісті рұқсатсыз кәсіпкерлік қызметпен айналысқаны үшін әкімшілік жауапкершілікке тартылады.
Полиция рұқсат етілмеген алкогольдік ішімдіктердің өмір мен денсаулыққа қауіпті болуы мүмкін екенін, ал заңсыз сауда қылмыс деңгейін арттыратынын еске салады.