СҚО әкімінің бірінші орынбасары әлем чемпионы Нұрқожа Қайпановқа көлік кілтін табыс етті

Облыс әкімдігінің ғимаратында әлем чемпионы Нұрқожы Қайпановқа  салтанатты түрде құрмет көрсетілді, деп хабарлайды QZ News.

Өңір басшысының атынан Солтүстік Қазақстан облысы әкімінің бірінші орынбасары Марат Тасмағанбетов солтүстікқазақстандық спортшыны биыл қазан айының соңында Албанияда еркін күрестен өткен  әлем чемпионатындағы жеңісімен құттықтады.

«Қазақстан тәуелсіздігінің бүкіл тарихында еркін күрестен екі спортшы ғана әлем чемпионы атанды. Ризабек Айтмұхан мен Нұрқожа Қайпанов бұл атақты жеңіп алды. Бұл спортшылар біздің жерлестеріміз. Бұл СҚО үшін үлкен жетістік. Нұрқожаны спортта үлкен жетістіктер күтіп тұрғанына сенімдімін, біз оның есімін жоғары марапаттарға ие болғандардың арасында бір емес, бірнеше рет естиміз», – деді Солтүстік Қазақстан облысының әкімі Ғауез Нұрмұхамбетов.

Әлем чемпионына құрмет көрсету салтанатына спорт ардагерлері, облыстың спорт қоғамының өкілдері,  Нұрқожы Қайпановтың жаттықтырушысы мен оның туыстары қатысты. Солтүстік Қазақстан облысы әкімінің бірінші орынбасары Марат Тасмағанбетов әлем чемпионына көлік кілтін,  бапкері Аян Бейсембаевқа 3 миллион теңгенің ақшалай сертификатын, ал ата-анасына Алғыс хат табыс етті.