Петропавлда көктайғақ салдарынан 100-ден астам адам жарақат алды
December 8, 2025 12:38
Ауа райының күрт нашарлауы мен қатты көктайғақ облыс орталығында көшеде жарақаттанудың күрт артуына себеп болды, деп хабарлайды QZ NEWS.
СҚО денсаулық сақтау басқармасының мәліметінше, 7 желтоқсан, жексенбі күні көпбейінді жедел медициналық көмек көрсету ауруханасының жарақат бөліміне 106 адам жүгінген. Қала тұрғындары тайғақтан көшелерде құлап, түрлі деңгейдегі жарақаттар алған. Олардың басым бөлігі сүйек сынуы, соғылу, байламдардың зақымдануы және буынның шығуымен түскен.