Қызылжар ауданының тұрғыны 34 жыл құжатсыз өмір сүргеннен кейін алғаш рет жеке куәлік алды

Қызылжар ауданының учаскелік полиция инспекторы Бахтияр Амангелдиев 58 жастағы ер адамның ерекше жағдайын анықтады. Жаңа тұрғылықты жерге көшкеннен кейін ауыл тұрғыны полицейге 1992 жылы барлық құжаттарынан, соның ішінде кеңестік төлқұжатынан айырылғанын және содан бері оларды қалпына келтіре алмағанын айтқан, деп хабарлайды QZ NEWS тілшісі.

Көп жылдар бойы ер адам ресми тіркеусіз еңбек етіп, мемлекеттік органдарға жүгінбеген, сол себепті құқықтық алаңнан тыс қалған.

Учаскелік инспектордың бастамасымен көші-қон қызметі арқылы жеке басын анықтау рәсімі басталды. Процестің күрделілігіне қарамастан, полицейлер оның азаматтығын анықтап, ауыл тұрғынына көптен күткен жеке куәлігін алуға көмектесті.

Енді ол медициналық көмек пен әлеуметтік төлемдерге толық қол жеткізе алады. Жыл басынан бері Солтүстік Қазақстан облысының көші-қон қызметінің қызметкерлері құжатсыз өмір сүрген 17 азаматтың құқықтық мәртебесін анықтады.

Полиция жеке куәлікті алғаш рет рәсімдеу кезінде азаматтар мемлекеттік баж төлеуден босатылатындығын еске салады.