СКО-да 894 млрд теңгенің 51 инвестжобасы жүзеге асырылып жатыр

СКО әкімі Ғауез Нұрмұхамбетов Орталық коммуникациялар қызметіндегі баспасөз конференциясында өңірдегі өнеркәсіп өндірісінің айтарлықтай артқаны және инвестиция тарту жұмыстарының нәтижелі жүріп жатқаны туралы айтты, деп хабарлайды QZ NEWS.

Өңір басшысының айтуынша, соңғы екі жылда СКО-дағы өнеркәсіп өндірісінің көлемі 1,5 есеге артқан. Оның 86%-ы өңдеу өнеркәсібінің үлесінде. Өсім өнеркәсіп кәсіпорындарына түскен тапсырыстардың ұлғаюы есебінен қамтамасыз етілген.

Жарқын мысалдардың бірі – «ЗИКСТО» ЖШС-нің жолаушылар вагондары мен вагон-платформалар шығаратын жаңа зауыты. Инвестиция көлемі – 24,3 млрд теңге, жылдық қуаттылығы – 3 200 бірлік. Бұл вагондар республика бойынша теміржол желілерінде қолданылады.

«Өңірде жалпы құны 894 млрд теңгені құрайтын 51 инвестициялық жобадан тұратын пул жүзеге асырылып жатыр. 7,8 мың жұмыс орны ашу жоспарланған. Жалпы, бірінші жартыжылдық қорытындысы бойынша тартылған тікелей инвестиция көлемі жылдық жоспардан 2 есе асып түсті», – деді спикер СЦК-дегі баспасөз конференциясында.

Өңірге инвестиция тартудың негізгі орталығы болып «Қызылжар» АЭА қала береді. Оның географиясы өңірдің агроөнеркәсіптік әлеуетінің артуына байланысты кеңейтіліп, облыстың ауылдық аудандарында екі жаңа субаймақ құрылды. Маңыздысы – өңірге ДСП және ЛДСП плиталарын, тракторлар, тіркемелі және навесная ауылшаруашылық техникасын, кондитерлік өнімдерді өндіретін ірі шетелдік компаниялар ғана емес, отандық инвесторлар да келіп жатыр. Мәселен, олар саңырауқұлақ фермасы мен компост зауытын ашуда.