СҚО әкімі Наурызнама онкүндігінің төртінші күнінде Сағандықовтар отбасына барды

Солтүстік Қазақстан облысында Наурызнама мерекелік онкүндігінің төртінші күні отбасы құндылықтарына арналды. Облыс әкімі Ғауез Нұрмұхамбетов Шаңырақ күні аясында өңірдің ең құрметті отбасыларының бірі Сағандықовтор әулетіне барып, олардың дәстүрлерді нығайтуға қосқан үлесіне жеке алғыс білдірді, деп хабарлайды QZ NEWS тілшісі.

«Біздің өңірде өз еңбегімен, өмірлік даналығы мен бірлікті үлгі ететін көптеген отбасылар бар. Солардың бірі – Сағандықовтар отбасы», – деп жазды СҚО әкімі әлеуметтік желідегі парақшасында.

Сапарғали аға мен Айман апа бірге өмір сүріп келе жатқанына 57 жыл болды. Осы уақыт ішінде олар 9 бала тәрбиелеп өсірді, қазіргі таңда олардан 27 немере және 7 шөбере көріп отыр. Бұл – үлкен, бірлікке толы және мықты отбасының нақты үлгісі.

Сапарғали аға өмір бойы ауыл шаруашылығында еңбек етсе, Айман апа көп жыл бухгалтер болып жұмыс істеді. Балаларды үлгілі тәрбиелеп, отбасы құндылықтарын нығайтуға қосқан зор үлесі үшін Айман апа I және II дәрежелі “Ана даңқы” орденімен марапатталған.

«Осындай берекелі отбасылар – елдің мақтанышы, қоғамымыздың нағыз байлығы. Дәл осындай әулеттер арқылы халқымыздың игі дәстүрлері сақталып, ұрпақтар сабақтастығы нығая түседі. Еңбекқорлық, үлкенге құрмет, туған жерге деген сүйіспеншілік секілді мәңгілік құндылықтар ұрпақтан ұрпаққа жалғасады. Солардың арқасында халқымыздың ең жақсы дәстүрлері сақталып, ұрпақтар арасындағы байланыс нығаяды және мәңгі құндылықтар – сыйластық, еңбекқорлық және туған жерге деген сүйіспеншілік ұрпақтан ұрпаққа жалғасады», – деп жазды Ғауез Нұрмұхамбетов.