26 жастағы ер адамнан «Оңтүстік» бекетінде бір келіден астам гашиш майы тәркіленді
Есірткі қылмысына қарсы іс-қимыл басқармасының қызметкерлері тыйым салынған заттардың ірі партиясын тасымалдау әрекетінің жолын кесті. «Южный» бақылау-өткізу бекетінде жедел уәкілдер Audi автокөлігін тоқтатты. Тексеру барысында 26 жастағы жолаушыдан ішінде желе тәрізді зат салынған вакуумды орама табылды, деп хабарлайды QZ NEWS тілшісі.
Сараптама тәркіленген заттың салмағы 1200 грамм болатын гашиш майы екенін растады. Мамандардың бағалауынша, мұндай көлемдегі есірткі үш мыңнан астам адамды тәуелділікке тартуға жеткілікті.
Кейінгі жедел іс-шаралар барысында күдіктінің жалдамалы пәтерінен полицейлер 100 грамм α-PvP синтетикалық есірткісін тапты. Зат «жасырын орындарға» қалдыру үшін шағын орамдарға бөлініп салынған. Сондай-ақ электронды таразылар мен орауға арналған құралдар тәркіленді.
Аталған факті бойынша сотқа дейінгі тергеп-тексеру басталды. Күдікті 7 жылдан 12 жылға дейін бас бостандығынан айырылуы мүмкін. Жыл басынан бері Солтүстік Қазақстан облысының полицейлері есірткі жеткізудің 10 арнасын анықтап, жолын кесті.