Альтаир Еркебұланның ата-анасы қалған 96 миллион теңгені басқа балаларды емдеуге жұмсады

Альтаир Еркебұланның әкесі Данияр ұлы дүниеден өткеннен кейін 7 күннен соң байланысқа шықты. Отбасы жасалған шешім арқылы жүректі тебірентіп, таңданыс туғызды: баласының емінен қалған барлық қаражат – 96 миллион теңге басқа балаларды емдеуге аударылды. Бұл туралы ер адам өз Instagram парақшасында видеоүндеуі арқылы хабарлады, деп жазады QZ NEWS.

«Оның бізбен болмағанына 7 күн өтті. Альтаирді емдеуге жұмсалған қаражаттан қалған 96 миллион теңге қалған балаларға бөліп берілді, олар қазір қаражат жинап жатыр. Бұл – Аяна Нұртаева, оған 45 миллион жібердік. Сондай-ақ Алмаз Түсіпбекке 25 миллион жолдадық. Дарья да қазіргі таңда емделуде. Аяна Стамбулда. Басқа балалар да қазір клиникаларда емделуде. Барлығына үлкен рахмет, осы уақыт бойы қолдап, қаражатпен, көмектермен, комментарийлермен бірге болғандарыңыз үшін. Достар, барлығына үлкен рахмет. Келесі кездескенше», – деді Данияр Тәліпов.