Haitai New Energy Group СҚО-да жел энергетикасын дамытуға көмектеседі
Солтүстік Қазақстан облысы Қытай Халық Республикасымен экономикалық байланыстарды нығайтуын жалғастыруда. Бұл мақсатта агроөнеркәсіптік кешен мен жаңартылатын энергия көздерін дамытуға бағытталған ынтымақтастық туралы меморандумдарға қол қойылды, деп хабарлайды QZ NEWS.
2019 жылдан бері Ғ. Мүсірепов атындағы ауданда қытайлық Beijing Xiyu Zehua корпорациясымен бірлесіп жүзеге асырылған «Kazmeel» ЖШС құрама жем зауыты табысты жұмыс істеп келеді. Ынтымақтастықты одан әрі дамыту үшін аудан әкімдігімен тиісті меморандумға қол қойылды.
СҚО жаңартылатын энергия көздерін дамытуға да қадам жасап отыр. Жел энергетикасын дамыту мақсатында СҚО әкімдігінің кәсіпкерлік және индустриялық-инновациялық даму басқармасы мен жаңа энергетикалық технологиялар саласындағы жетекші компаниялардың бірі Haitai New Energy Group арасында меморандумға қол қойылды.
