Өмірге үміт: Петропавл қаласының тұрғыны Диана Моночинскаяға шұғыл қаражат жинау жарияланды

Петропавл қаласының 27 жастағы тұрғыны Диана Моночинскаяға жұмсақ тіндердің қатерлі ісігін алып тастау үшін Түркияда шұғыл ота жасау қажет. Қызда аурудың қайталануы тіркелген – ол онкологиямен 6 жылдан бері күресіп келеді, деп хабарлайды QZ News тілшісі.

Диана Моночинская 27 жаста. Оның өмірін сүт безінен анықталған ісік түбегейлі өзгертті. Қыз Петропавлда шұғыл ем қабылдауға мәжбүр болды. Кейін ауру қайталанып, Түркияға ота жасауға барып, жамбас сүйегінің бөлігін алып тастау операциясын өткерді. Одан кейін Диана 18 курс химиотерапиядан өтті.

Қыздың әпкесінің айтуынша, ауруға дейін Диана өте белсенді адам болған. Ол әртүрлі спорт түрлерімен айналысқан. Диана үстел ойындарын ойнағанды жақсы көреді. Мамандығы – құрылысшы, алайда қазіргі таңда мамандығы бойынша жұмыс істемейді.

«Басты мақсатымыз – ауруды жеңу. Диананың арманы – саяхаттау және бұрынғы белсенді өміріне қайта оралу», – деп бөлісті оның әпкесі.

Петропавлдың 27 жастағы тұрғынында ауру қайта қайталануда. Қазір оған Түркияға шұғыл операция қажет. Ол Ыстанбұлға, Medikal Park Florya клиникасына баруды жоспарлап отыр. Қызға материалдық көмек қажет.

Операция құны – 23 000 АҚШ доллары немесе 12 миллион теңге. Оның ішінде 3 841 000 теңге жиналған.

Көмек көрсетуге арналған реквизиттер: Kaspi: +7 777 763 16 91 – Диана М.
Halyk: +7 777 901 08 34 – Елена М. (анасы)