Ольга Ростовщикова жаңа Конституцияны әрбір азаматтың әлеуетін жүзеге асырудың берік негізі деп атады
«Sensitiv» ансамблінің негізін қалаушы әрі есту қабілеті нашар бишілер тобын басқарушы Ольга Ростовщикова жаңа Конституция жобасын қолдады. Ол азаматтардың референдумға қатысуын маңызды деп есептейді, деп хабарлайды QZ NEWS.
«Арнайы қажеттіліктері бар адамдармен жиырма жыл бойы жұмыс істей отырып, мен күн сайын инклюзия – бұл декларация емес, әрбір адам өз әлеуетін жүзеге асыра алатын жағдайлар жүйесі екендігіне көз жеткізіп келемін. Қол жетімді орта, шығармашылық бастамаларды қолдау, қоғамдық және мәдени өмірге тең қатысу мүмкіндіктері – бұлар шешімдер арқылы емес, тұрақты мемлекеттік саясат арқылы қалыптасады», – дейді Ольга Ростовщикова.
«Sensitiv» ансамблінің негізін қалаушы Конституция мемлекеттің адамға деген қатынасындағы негізгі принциптерді белгілейтінін атап өтті.
«Бұл принциптерде теңдік, кемсітпеушілік және әлеуметтік қолдау құндылықтарының нығайтылуы маңызды. Бұл тек мәдениет саласына ғана емес, білім беру, жұмыспен қамту және қоғамдық белсенділікке де әсер етеді. Мен жаңа Конституция жобасымен таныстым және азаматтардың референдумға қатысуын маңызды деп есептеймін. Ұсынылған өзгерістерді қолдаймын, бұл әрбір адамға даму кеңістігі бар, инклюзивті және әлеуметтік бағытталған қоғамды қалыптастыруға жасалған қадам», – деп қорытындылады сарапшы әлеуметтік желідегі жазбасында.