Петропавлда Ұлттық ұланның 6637 әскери бөлімінің әскери қызметшілері тыл еңбеккері, аға прапорщик Виктор Лахтинді құттықтады

Жеңіс күні қарсаңында 6637 әскери бөлімінің командирі, полковник Берік Баймолдин, бөлім командирінің тәрбие және әлеуметтік-құқықтық жұмыстар жөніндегі орынбасары, подполковник Шухрат Ашимов және ардагерлер кеңесінің төрайымы, запастағы капитан Марина Душенко тыл еңбеккері, Қазақстан Республикасы Ұлттық ұланының 6637 әскери бөлімінің ардагері, аға прапорщик Виктор Прохорович Лахтиннің үйіне барып қайтты, деп хабарлайды QZ NEWS.

Ұлттық ұланның 6637 әскери бөлімінің мәліметінше, 19 мамыр күні Виктор Прохорович 93 жасқа толады. Ол өмірінің 30 жылдан астам уақытын әскери қызметке арнап, Отанға адалдықтың, төзімділік пен әскери борышқа беріктіктің үлгісі болды.

«Ардагерге зор құрмет пен алғыс белгісі ретінде 50 мың теңге көлемінде ақшалай сыйлық, жеміс-жидек пен азық-түлік себеттері, гүл шоқтары және алғыс хат табысталды. Бөлім басшылығы ардагерге шынайы ризашылықтарын білдіріп, зор денсаулық, ұзақ ғұмыр, жақындарының қамқорлығы мен бейбіт аспан тіледі», – деп атап өтті Ұлттық ұланның 6637 әскери бөлімінде.