Петропавлдағы «Рахмет» сауда үйінде өрт шықты
May 20, 2026 14:39
Петропавл қаласындағы «Рахмет» сауда орталығының бірінші қабатындағы бутиктердің бірінде жарық шамы өртенді. Оқиға орнына өрттің жоғары үшінші дәрежесі бойынша өрт сөндіру қызметінің бөлімшелері жедел түрде жіберілді, деп хабарлайды QZ NEWS тілшісі.
СҚО ТЖД мәліметінше, ірі өрт туралы ақпарат расталмады. Өрт сөндірушілер келгенге дейін жалын алғашқы өрт сөндіру құралдарының көмегімен жедел түрде сөндірілген. Келушілер мен қызметкерлер құтқарушылар жеткенше ғимараттан өз бетінше эвакуацияланған.
«Мерт болғандар мен зардап шеккендер жоқ. Өрттің басқа бутиктерге таралуына жол берілген жоқ. Оқиғаның себептері анықталуда», — делінген хабарламада.