Рашбиль Евдаев Негізгі заңның жаңа редакциясында еңбек кепілдіктерін бекітудің маңызын атап өтті
Петропавлда «Әділетті әрі Прогрессивті Қазақстанның Халықтық Конституциясы үшін» Солтүстік Қазақстан коалициясының мүшелері мен «СевКазЭнерго» АҚ ұжымының кездесуі өтті. Жаңа Конституция жобасын талқылау өңірдің негізгі өндірістік алаңдарының бірінде – бүкіл облысты тұрақты электрмен қамтамасыз ететін нысанда өтті, деп хабарлайды QZ NEWS.
Коалиция мүшелері Арман Бердағұлов пен Рашбиль Евдаев энергетиктермен конституциялық өзгерістердің экономиканың нақты секторына қалай әсер ететінін талқылады. Спикерлер ТЭЦ-2 сияқты ірі өндіріс орындары үшін құқықтық тұрақтылық пен болжамдылықтың аса маңызды екенін атап өтті.
«Тек тұрақты әрі түсінікті ережелер жағдайында ғана жаңғырту жұмыстарын жоспарлауға, жаңа технологияларды енгізуге және ұзақ мерзімді дамуға мүмкіндік бар», – деді Арман Бердағұлов.
Кездесу барысында кәсіподақтардың рөлі мен жұмысшылардың құқықтарын қорғау тетіктеріне де ерекше назар аударылды. Рашбиль Евдаев еңбек кепілдіктерін Негізгі заң деңгейінде бекітудің маңыздылығына тоқталды.