Серік Мұхамедиев: «Учаскеге қызыммен бірге келдім — балалар азаматтық жауапкершіліктің маңызын ерте жастан түсінуі керек»
Петропавл қаласының әкімі Серік Мұхамедиев республикалық референдумға қатысып, өз дауысын берді. Ол референдум учаскесіне қызымен бірге келді, деп хабарлайды QZ NEWS тілшісі.
Серік Мұхамедиев дауыс беруге балаларымен бірге келу — саналы әрі маңызды қадам екенін атап өтті. Қала әкімінің айтуынша, өсіп келе жатқан ұрпақ ел тағдырына қатысты маңызды шешімдердің қалай қабылданатынын ерте жастан түсінуі тиіс.
«Учаскеге қызыммен бірге келдім — мен үшін балалардың азаматтық жауапкершіліктің маңызын және ел өміріне қатысудың мәнін ерте жастан түсінуі маңызды. Референдум — әрбір азаматқа өз ұстанымын білдіріп, Қазақстанның болашағына үлес қосуға мүмкіндік береді. Бүгін қабылдайтын шешімдеріміз мемлекет пен қоғамның ертеңгі дамуына әсер етеді. Мен өз таңдауымды жасадым және қала тұрғындарын да өз учаскелеріне келіп, дауыс беруге шақырамын», — деді қала әкімі.