СҚО әкімі Ғауез Нұрмұхамбетов өңір тұрғындарын Ұлы Жеңіс күнімен құттықтады
Солтүстік Қазақстан облысының әкімі Ғауез Нұрмұхамбетов 9 Мамыр – Жеңіс күніне орай өңір тұрғындарына салтанатты құттықтау жолдады, деп хабарлайды QZ NEWS.
Құттықтауында ол бұл мерекенің Ұлы Отан соғысы жылдарында бейбітшілік пен бостандықты қорғап қалған халықтың қайсар рухы мен ерлігінің символы екенін атап өтті.
«Бұл күні біз майдан батырлары мен тыл еңбеккерлерін зор ризашылықпен еске аламыз. Олар жанқиярлық пен өлшеусіз күш-жігердің арқасында келер ұрпақ үшін бейбіт өмір мен еркіндікті сақтап қалды. Жеңімпаз ұрпақтың ерлігі әрдайым шынайы патриотизмнің, бірлік пен Отанға адалдықтың символы болып қала береді», – деді СҚО әкімі.
Ғауез Нұрмұхамбетов қазіргі ұрпақтың ортақ міндеті – тарихи шындықты сақтау және қоғамдағы бірлікті нығайту екенін ерекше атап өтті.
«Осы айтулы күні баршаңызға зор денсаулық, амандық, бейбіт өмір, жақсылық пен ертеңгі күнге сенім тілеймін», – деп құттықтады Ғауез Нұрмұхамбетов.