СҚО-да пиротехниканы сату ережелерін бұзғандар жарты миллион теңгеге жуық айыппұл төледі
Солтүстік Қазақстан облысында «Пиротехника» жедел алдын алу іс-шарасы өтіп жатыр.ТЖД қызметкерлері полиция өкілдерімен бірлесіп, жаңа жылдық мерекелер кезеңінде жазатайым оқиғалардың алдын алу мақсатында отшашулар мен петардалар сатылатын орындарды тексеруде, деп хабарлайды QZ News тілшісі.
Алдын алу бағытындағы рейдтер алғашқы нәтижелерін берді. Акция басталғалы бері 10 адам әкімшілік жауапкершілікке тартылды. Күмәнді өнімді заңсыз сатқаны үшін құқық бұзушыларға жалпы сомасы шамамен 500 мың теңге көлемінде айыппұл салынды. Рұқсат құжаттарынсыз сатылған барлық пиротехника айналымнан алынды.
СҚО ТЖД мамандары ескертеді: сертификатталмаған салюттарды пайдалану — тек айыппұл салыну қаупі ғана емес, сонымен қатар адам денсаулығына тікелей қатер төндіріп, өрттің шығу ықтималдығын арттырады.