Тамыздың басында жаңбыр жауып, найзағай ойнап, ауа температурасы төмендейді

Тамыз айының алғашқы күндері Солтүстік Қазақстан облысында ауа райы құбылмалы болады. Аптап ыстықтың орнына өңірге салқын ауа массалары келіп, жаңбыр, найзағай, екпінді жел және ауа температурасының біртіндеп төмендеуіне себеп болады, деп хабарлайды QZ NEWS тілшісі.

«Қазгидромет» РМК мәліметінше, 3 тамыз күні облыстың басым бөлігінде жаңбыр жауады. Батыс және солтүстік аудандарда қатты жауын-шашын күтіледі. Кей жерлерде найзағай ойнап, бұршақ жауып, дауылды жел тұруы мүмкін. Солтүстік-батыстан соғатын желдің жылдамдығы секундына 9–14 метр болса, кей жерлерде екпіні 23–28 метрге дейін жетеді. Түнде ауа температурасы +13…+18 градус, күндіз +25…+30 градус болады.

4 тамызда да ауа райы тұрақсыз күйінде сақталады. Облыс бойынша жаңбыр мен найзағай болжанып отыр. Кей жерлерде бұршақ жауып, дауылды жел соғуы ықтимал. Солтүстік-батыс желі сақталып, жекелеген аудандарда оның екпіні күшейеді. Ауа температурасы біртіндеп төмендеп, түнде +13…+18, күндіз +22…+27 градус шамасында болады.

Аптаның екінші жартысында жауын-шашынның қарқындылығы бәсеңдегенімен, толық тоқтамайды. 5 тамызда облыстың солтүстік және шығыс бөліктерінде өткінші жаңбыр жауып, найзағай ойнауы мүмкін. Күндіз ауа температурасы +20…+25 градусқа дейін төмендейді.

6 тамызға қараған түні облыстың солтүстік және шығыс аудандарында жаңбыр мен найзағай болуы ықтимал. Күндіз ауа температурасы +20…+25 градус аралығында сақталса, түнде +10…+15 градусқа дейін салқындайды.

Алдын ала болжам бойынша, 7 тамызда облыстың батысы мен солтүстігінде өткінші жаңбыр жауып, найзағай ойнайды. Солтүстік-батыстан соғатын жел екпінді болады. Ауа температурасы айтарлықтай өзгермейді: түнде +10…+15 градус, күндіз +20…+25 градус болады.