Жаслан Байқанов Петропавл қаласының Кәсіпкерлік, ауыл шаруашылығы және ветеринария бөлімін басқарады

Петропавл қаласы әкімінің қаулысымен Байқанов Жаслан Серікұлы қалалық әкімдіктің «Кәсіпкерлік, ауыл шаруашылығы және ветеринария бөлімі» КММ-нің басшысы болып тағайындалды, деп хабарлайды QZ NEWS.

Жаслан Байқанов 1986 жылы Солтүстік Қазақстан облысының Қиялы ауылында дүниеге келген. 2008 жылы М. Қозыбаев атындағы СҚМУ-ды «экономика» мамандығы бойынша аяқтаған.

Мемлекеттік құрылымдарда, соның ішінде салық және қаржы салаларында айтарлықтай еңбек өтілі бар:

2009–2016 жылдары: СҚО бойынша Салық департаментінде және Петропавл қаласы бойынша Мемлекеттік кірістер басқармасында жетекші маманнан бөлім басшысына дейін түрлі қызметтер атқарды.
2016–2018 жылдары: Астанада ҚР Қаржы министрлігі Мемлекеттік кірістер комитетінде бас сарапшы болып қызмет етті.
2021–2022 жылдары: Петропавл қаласы әкімдігінің «Экономика және бюджеттік жоспарлау бөлімі» КММ-сін басқарды.
2022 жылғы мамырдан бастап қазіргі тағайындауға дейін қалалық әкімдіктің «Экономика және қаржы бөлімі» КММ басшысының орынбасары қызметін атқарды.

Жаңа қызметінде Жаслан Байқанов қаладағы кәсіпкерлікті, ауыл шаруашылығын және ветеринария саласын дамытуға жетекшілік етеді.