Жеңіс Асанов: «Жаңа Конституция – ашық әрі түсінікті мемлекетке жасалған қадам»
15 наурызда өтетін республикалық референдум алдында өңірдегі сарапшылар қауымы жаңа Конституция жобасын талқылауды жалғастырып жатыр. Солтүстік Қазақстан облыстық филиалы «AMANAT» партиясының атқарушы хатшысы Жеңіс Асанов саяси реформалардың азаматтардың әл-ауқатына және іскерлік климатқа қалай әсер ететіні жөнінде пікірін бөлісті, деп хабарлайды QZ NEWS.
Сарапшының айтуынша, дауыс беру – формальдылық емес, елдің қалай өмір сүріп, дамитынын таңдау.
«Жаңа Конституция – ашық әрі түсінікті мемлекетке жасалған қадам. Шешімдер айқын қабылданатын, билік жауапкершілікті мойындайтын, халық пікірі нақты ескерілетін жүйеге бағытталған», – деп жазды Жеңіс Асанов әлеуметтік желілерде.
Ол парламенттік бақылау мүмкіндіктері кеңейіп, саяси партиялардың рөлі күшейетінін ерекше атап өтті. Бұл билік жүйесі теңдестірілген әрі тиімді болатынын білдіреді.
«Бұл тек формальдылық үшін емес, тұрақты саяси институттар мен елдегі тұрақтылық үшін маңызды. Экономика үшін де бұл мәнді – реттеуші тәуекелдердің азаюы, инвесторларға сенімділіктің артуы және бизнестің нақты талаптарын қалыптастыру. Мұндай жағдайсыз тұрақты даму мүмкін емес. Өзара әрекеттестік айқын және түсінікті болғанда тәуекелдер азаяды. Қысқасы, мықты институттар – мықты экономиканың негізі», – деп қорытындылады Жеңіс Асанов.