Петропавлдық өрт сөндірушілер жиһаз дүкеніндегі өртке байланысты тұрғындарды эвакуациялады
December 4, 2025 09:25
Таңертеңгі уақытта Петропавлда Астана көшесінде үш қабатты тұрғын үйге жапсарлас салынған бір қабатты жиһаз дүкені өртенді, деп хабарлайды QZ NEWS.
«Өрт сөндірушілер дереу барлау жұмыстарын жүргізіп, адамдарды эвакуациялауға кірісті, сонымен бірге өртті сөндіруді ұйымдастырды. Олардың шұғыл әрі кәсіби әрекеттерінің арқасында тұрғын үйден 22 адам эвакуацияланды», – делінген СҚО ТЖД хабарламасында.
Өрт қысқа мерзімде ауыздықталды. Зардап шеккендер жоқ. Өрттің нақты себебі анықталып жатыр.