СҚО-да дрондардың көмегімен 42 жылқыдан тұратын табын табылды
Солтүстік Қазақстан облысында ірі табынды іздеу операциясы сәтті аяқталды. Жоғалған 42 жылқыны табу үшін полицейлер жоғары технологиялық жабдықтарды қолданып, орман алқаптарының ондаған шақырымын тінтті, деп хабарлайды QZ News тілшісі.
Табыншы мен мал иелерінің өз бетімен жасаған іздеу әрекеттері нәтиже бермеген соң, іске 5 іздеу тобы жұмылдырылды. Құрамына полицейлер, орман шаруашылығының қызметкерлері және еріктілер кірді.
Іздеу жұмыстарының басты артықшылығы – жылу бейнелеуіштері бар екі дронның қолданылуы болды. Соның арқасында іздеу жұмыстары түнгі уақытта да тоқтатылған жоқ. Ұшқышсыз ұшу аппараттары әуеден қалың орман арасындағы және батпақты аумақтардағы жануарлар шоғырын анықтауға мүмкіндік берді, кейін сол жерлерге жердегі топтар жіберілді. Табынды іздеуге 5 күн кетіп, қамту радиусы 30 шақырымды құрады.
СКО ПД мәліметінше, оқиға сәтті аяқталғанымен, табыншы әкімшілік жауапкершілікке тартылды. Бұған себеп — еркін жайылым. Дәл осы жағдай көбіне малдың жоғалуына немесе ұрлықтың жасалуына әкеледі.