Петропавл қаласында жаңартылған балаларды қолдау орталығы ашылды
Облыс орталығында қиын өмірлік жағдайға тап болған балаларға арналған Балаларды қолдау орталығы өз жұмысын қайта бастады. Жаңартылған ғимараттағы жағдаймен Солтүстік Қазақстан облысының әкімі Ғауез Нұрмұхамбетов танысты, деп хабарлайды QZ News тілшісі.
Бес жылдық үзілістен кейін орталық қызметін қайта жандандырды. Биыл мекемеге жаңа ғимарат бөлініп, онда күрделі жөндеу жүргізіліп, тәрбиеленушілердің толыққанды өмір сүруіне арналған заманауи инфрақұрылым жасақталды.
Нысан 3 пен 18 жас аралығындағы қамқорлықты қажет ететін балалар мен жасөспірімдердің уақытша болуына арналған.
«Осы кезеңде балалардың қауіпсіздігін, қамқорлықты және жан-жақты дамуына қажетті мүмкіндіктерді қамтамасыз ету аса маңызды», — деп атап өтті Ғауез Нұрмұхамбетов.
Жаңартылған орталықта жайлы бөлмелер, оқу сыныптары мен ойын аймақтары қарастырылған. Балалардың оңалтуы мен бейімделуіне ерекше көңіл бөлінген. Ашылу салтанатында өңір басшысы орталық басшылығына жаңа автокөліктің кілтін табыстап, ол тәрбиеленушілердің қажеттіліктері мен мекеменің көлікке қатысты жедел мәселелерін шешуге пайдаланылатын болады.