СҚО мен Ақмола облысы арасындағы трассалар барлық көлік түрлері үшін жабылды

30 желтоқсан күні таңертең ауа райының күрт нашарлауына байланысты Ақмола және Солтүстік Қазақстан облыстарын байланыстыратын республикалық маңызы бар автожолдардың негізгі учаскелерінде қозғалысқа шектеу енгізілді. Қозғалыс барлық көлік түрлері үшін тоқтатылды. Бұл туралы QZ News тілшісі «ҚазАвтоЖол» АҚ-қа сілтеме жасап хабарлайды.

08:30 жағдайы бойынша келесі бағыттар жабық:
Солтүстік Қазақстан облысы аумағында:
Астана — Петропавл автожолы: Ақмола облысының шекарасынан Келлеровка ауылына дейінгі аралық (341–367 км).
Көкшетау — Рузаевка автожолы: облыс шекарасынан Саумалкөл ауылына дейін (61–91 км).
Көкшетау — Кішкенекөл — РФ шекарасы автожолы: облыс шекарасынан Чкалово ауылына дейін (50–85 км).
Ақмола облысы аумағында:
Көкшетау қаласынан Петропавл, Рузаевка және Кішкенекөл бағыттарына, СҚО шекарасына дейінгі жолдар жабылды.

Жолдардың қайта ашылуының болжамды уақыты — бүгін, 30 желтоқсан сағат 12:00. Жүргізушілерге елді мекендерден тыс жерлерге шықпау және 112 қызметінің SMS-хабарламаларын қадағалау қатаң түрде ұсынылады.