Электр сымдарының қысқа тұйықталу салдарынан Петропавл қаласының орталығында автокөлік өртенді
January 12, 2026 11:34
12 қаңтарға қараған түні қаланың орталық көшелерінің бірінде жеңіл автокөлік өртенді. Өрт сөндірушілер отты жедел түрде сөндірді, деп хабарлайды QZ News тілшісі.
Н. Назарбаев көшесі бойындағы өрт туралы хабар 01:40-та пультке түскен. Chevrolet маркалы автокөліктің қозғалтқыш бөлігінде өрт шыққан. Оқиға орнына дереу қалалық ТЖ басқармасының 1-ӨСҚ мамандары жіберілді.
Өрт сөндірушілерге өртті оқшаулауға 10 минут қажет болды. 01:56-да өрт толықтай сөндірілді. Абырой болғанда, оқиға салдарынан ешкім зардап шеккен жоқ.
Мамандардың алдын ала болжамы бойынша, төтенше жағдайдың себебі электр сымдарының қысқа тұйықталуы болған. Өртті сөндіруге барлығы жеке құрамнан 7 адам және 2 техника бірлігі жұмылдырылды.