Петропавлда СҚО әкімі мен қала әкімінің халықпен кездесуі кейінге шегерілд
Республикалық референдума дайындық және өткізуге байланысты облыс пен қала басшылығының халықпен өткізетін жария кездесулерінің кестесіне өзгерістер енгізілді, деп хабарлайды QZ NEWS.
26 ақпанға жоспарланған Ғауез Нұрмұхамбетов — Солтүстік Қазақстан облысының әкімі мен Серік Мұхамедиев — қала әкімінің тұрғындармен кездесуі кейінге қалдырылды.
Оқушылар сарайында өтуі тиіс шара 2026 жылғы 18 наурызға ауыстырылды. Дегенмен, қала тұрғындары өздерін толғандырған мәселелерді жеке талқылау мүмкіндігіне ертерек ие болады. 24 ақпан күні сағат 11:00-де Петропавл қаласының әкімі Серік Мұхамедиев қалалық басқармалар басшыларымен бірге Ашық есік күнін өткізеді. Өтетін орны: Сәбит Мұқанов атындағы облыстық кітапхана (Қазақстан Конституциясы көшесі, 25).
Ашық диалог форматында өтетін шара тұрғындарға салалық бөлімдер басшыларынан жедел жауап алуға және қала әкіміне тікелей жүгінуге мүмкіндік береді.