№17 Ұлттық жаңғыру мектебінің ұжымы жаңа Конституцияны ұлтаралық келісімнің кепілі деп санайды

№17 Ұлттық жаңғыру мектеп-кешенінде республикалық референдум қорытындыларына арналған ауқымды диалог алаңы өтті. Шамамен 130 педагог қабылданған Конституцияны тәуелсіз Қазақстан тарихындағы жаңа кезеңнің бастауына жол ашқан маңызды құжат ретінде талқылады, деп хабарлайды QZ NEWS тілшісі.

Кездесудің негізгі тақырыбы – қабылданған Негізгі заңның түбегейлі жаңашылдығы болды. Басты назар құжаттағы адамға бағытталған ұстанымға аударылды. Яғни әрбір азаматтың құқықтары, бостандықтары мен әл-ауқаты ең жоғары басымдық ретінде белгіленген.

№17 мектеп ұжымы үшін бұл қағидалардың маңызы ерекше. Әртүрлі этнос өкілдері тату-тәтті білім алатын бұл білім ордасының бірегей мәртебесі қабылданған Конституция рухымен толық үндеседі.

«Жаңа Конституциядағы ең маңыздысы – барлығы адамды, яғни елдің басты капиталы ретінде тануды негізге алады. Біздің балалар үшін бұл – қауіпсіз ортада өсіп-жетілуге, мемлекеттің қамқорлығын сезінуге және өз қабілетін толық жүзеге асыруға мүмкіндік деген сөз», – деді мектеп директоры Лаззат Жалмұқанова.

Кездесуге қатысушылар, оның ішінде тарих және құқық пәндерінің мұғалімдері жаңа құқықтық негіз қоғамды сапалы жаңғыртуға қуатты серпін беретінін атап өтті. Жаңа Конституция меритократия, әділдік пен инновациялар өмір салтына айналатын жағдай қалыптастырады.
Педагогтер қабылданған құжат елдегі тұрақтылық пен өркендеудің сенімді кепілі деген ортақ пікірге келді. Енді мұғалімдердің басты міндеті – осы озық идеяларды жас ұрпақтың санасына сіңіріп, заңды құрметтейтін және Отанын сүйетін қазақстандықтарды тәрбиелеу.