Уәлиханов ауданында оқушыларға құқықбұзушылық жасағаны үшін жауапкершілік шаралары түсіндірілді

Уәлиханов ауданының Кішкенекөл ауылында кәмелетке толмағандар істері жөніндегі комиссиялар мен тиісті бөлімшелердің жасөспірімдермен жұмысындағы рөлі тақырыбында пікірталас форматында профилактикалық кездесу өтті, деп хабарлайды QZ NEWS тілшісі.

Кішкенекөл қазақ мектеп-гимназиясында оқушылар алдында кәмелетке толмағандар істері жөніндегі инспектор Саян Жапаров, ішкі саясат, мәдениет және тілдерді дамыту бөлімінің бас маманы Гүлмира Рамазан, сондай-ақ қорғаншылық және қамқоршылық бөлімінің бас маманы Орынбасар Доскина сөз сөйледі.
Талқылау барысында кәмелетке толмағандар арасындағы құқықбұзушылықтың алдын алу, құқықтық мәдениетті қалыптастыру және оқушылардың құқықтық сауаттылығын арттыру мәселелері көтерілді.

Пікірталас кезінде қатысушылар жасөспірімдермен жұмыстың негізгі бағыттарын, сондай-ақ мемлекеттік органдар мен білім беру мекемелерінің өзара іс-қимыл тетіктерін қарастырды.

Спикерлер өздерінің тәжірибелерімен бөлісіп, жасөспірімдер арасында жиі кездесетін құқықбұзушылықтар туралы айтып, олар үшін қарастырылған жауапкершілік шараларын түсіндірді.
Кездесу барысында заң талаптарын сақтау, қоғамдық тәртіпті нығайту және жастардың өз іс-әрекеттеріне жауапкершілікпен қарауын қалыптастыру мәселелеріне ерекше көңіл бөлінді.

Оқушыларға олардың құқықтары мен міндеттері түсіндіріліп, күнделікті өмірде заң нормаларын сақтаудың маңыздылығы еске салынды.
Пікірталас ашық диалог форматында өтті: оқушылар белсенді түрде қатысып, сұрақтар қойып, өз ойларын білдірді. Ұйымдастырушылардың пікірінше, мұндай кездесулер жасөспірімдердің құқықтық сауаттылығын арттырып қана қоймай, олардың саналы азаматтық ұстанымын қалыптастыруға ықпал етеді.