СҚО СОБР жауынгерлері президенттік көпсайыс бойынша ҚР чемпионатында жүлделі орындарға ие болды

СҚО ПД арнайы жедел әрекет ету жасағының қызметкерлері Ақтауда өткен президенттік көпсайыс бойынша Қазақстан Республикасы чемпионатында өңір намысын сәтті қорғады, деп хабарлайды QZ NEWS тілшісі.

Жарысқа Қазақстанның әртүрлі өңірлерінен спортшылар қатысты. Чемпионат бағдарламасына жазғы және қысқы полиатлон түрлері енгізілді. Бұл сайыстар қатысушылардан жоғары физикалық дайындықты, төзімділікті, мінездің мықтылығын және үлкен жүктеме кезінде жинақылықты сақтай білуді талап етеді. Күштік құрылым қызметкерлері үшін мұндай турнирлер тек спорттық сын ғана емес, кәсіби даярлықтың да көрсеткіші саналады.

Солтүстікқазақстандық полицейлер әсіресе жүзу элементі қамтылған жазғы полиатлонда жоғары нәтиже көрсетті. СОБР взводының командирі, полиция подполковнигі Марат Мусин 40-49 жас санатында бірінші орын иеленді.

35-39 жас санатында СОБР инспекторы, полицияның аға лейтенанты Ильяс Жұманов күміс жүлдегер атанды. Ал команда қоржынына тағы бір марапатты полиция капитаны Нариман Ташимов салды. Ол 24-34 жас санатында қола медаль жеңіп алды.

Солтүстікқазақстандықтардың төзімділікке жүгіру қамтылған қысқы полиатлондағы көрсеткіші де жоғары болды. Бұл сайыста Марат Мусин тағы да чемпион атанып, турнирдің үздік қатысушыларының бірі екенін дәлелдеді. Ильяс Жұманов өз жас санатында жеңімпаз атанып қана қоймай, чемпионаттың абсолюттік біріншілігінде күміс медаль иеленді. Ал Нариман Ташимов екінші орын алып, команданың сәтті өнер көрсету сериясын жалғастырды.

Жарыс қорытындысы бойынша полиция капитаны Нариман Ташимов Қазақстан Республикасының спорт шеберлігіне үміткер нормативін орындады. Бұл спортшы үшін мансабындағы маңызды белес әрі жоғары дайындық деңгейінің дәлелі болды.