Қызылжар ауданында ауыл шаруашылығы жұмысшылары құрметке бөленді
Бескөл ауылындағы мәдениет үйінде ауыл шаруашылығы, тамақ және қайта өңдеу өнеркәсібі қызметкерлері күніне арналған салтанатты іс-шара өтті. Негізгі назар мамандардың азық-түлік қауіпсіздігін қамтамасыз етуге және СҚО мен елдің агроөнеркәсіптік кешенін дамытуға қосқан өлшеусіз үлесіне аударылды, деп хабарлайды QZ NEWS.
Қызылжар ауданының әкімі Бейбіт Исманов жергілікті аграрийлер мен қайта өңдеу саласының өкілдерін құттықтап, олардың ауыр әрі жемісті еңбектері үшін зор алғысын білдірді. Ауданда 217 шаруа және фермерлік қожалық пен 89 ЖШС жұмыс істейді. Бейбіт Исмановтың айтуынша, ауыл шаруашылығы тауарын өндірушілердің нәтижелілігін көрсететін басты көрсеткіш – егін жинау науқаны.
АӨК-тің үздік қызметкерлері құрмет грамоталарымен және алғыс хаттармен марапатталды. Қонақтар аграрийлердің ерен еңбегіне арналған фильмді тамашалап, жергілікті шығармашылық ұжымдар дайындаған жарқын концерттік бағдарламадан ләззат алды.
Фото: Максим Сердюков