СҚО-да АГҚС-тегі 15 қауіпті нысанның жұмысы тоқтатылды
February 4, 2026 18:00
Солтүстік Қазақстан облысының Өнеркәсіптік қауіпсіздік басқармасы өңірдегі автогаз құю станцияларына ауқымды тексеру жүргізді. Жоспардан тыс бақылауға облыстық прокуратураның тапсырмасы себеп болған, деп хабарлайды QZ News тілшісі.
Тексеру барысында инспекторлар газ жабдықтарын пайдалану талаптарынан елеулі ауытқуларды анықтады. Анықталған заңбұзушылықтар станция қызметкерлері мен қарапайым автокөлік жүргізушілерінің өмірі мен қауіпсіздігіне нақты қауіп төндіретін ретінде бағаланды.
СҚО ТЖД мәліметінше, қазіргі уақытта 15 қауіпті техникалық құрылғы мөрленді. Заңбұзушылар әкімшілік жауапкершілікке тартылып, айыппұл салынды.